پاکستان سے مشرق وسطیٰ کی مزید 25 پروازیں منسوخ

مشرقِ وسطیٰ میں جاری شدید جنگی کشیدگی اور ایران پر امریکی و اسرائیلی حملوں کے باعث خطے کی فضائی حدود پندرہویں روز بھی بند ہے، جس کے نتیجے میں پاکستان سے مشرقِ وسطیٰ کے لیے فلائٹ آپریشن بری طرح متاثر ہو رہا ہے۔ ایوی ایشن ذرائع کے مطابق، آج ملک بھر کے مختلف ایئرپورٹس سے مزید 25 پروازیں منسوخ کر دی گئی ہیں۔

منسوخ ہونے والی پروازوں کی تفصیلات درج ذیل ہیں:لاہور ایئرپورٹ: دبئی، ابوظہبی، شارجہ، بحرین، کویت اور قطر کے لیے آنے اور جانے والی 14 پروازیں منسوخ ہوئیں۔سیالکوٹ ایئرپورٹ: یہاں سے 4 پروازوں کا آپریشن معطل رہا۔ملتان اور فیصل آباد: ان دونوں شہروں سے مجموعی طور پر 7 پروازیں منسوخ کی گئیں۔

یاد رہے کہ گزشتہ روز (جمعہ) کو بھی ریکارڈ 72 پروازیں منسوخ ہوئی تھیں، جس سے ہزاروں مسافر بیرونِ ملک پھنس کر رہ گئے ہیں۔ فضائی حدود کی مسلسل بندش سے ایئرلائن کمپنیوں کو کروڑوں روپے کے نقصان کا سامنا ہے جبکہ عمرہ زائرین اور سمندر پار پاکستانیوں کو شدید سفری مشکلات درپیش ہیں۔