خون میں مائیکرو پلاسٹک کی موجودگی دل کے شدید دورے کے خطرے سے منسلک، نئی تحقیق

ایک نئی طبی تحقیق میں انکشاف کیا گیا ہے کہ خون میں مائیکرو پلاسٹک کی موجودگی دل کے شدید دورے کے بڑھتے ہوئے خطرے سے منسلک ہو سکتی ہے۔ امریکا کے ہیکن سیک یونیورسٹی میڈیکل سینٹر کے انٹروینشنل کارڈیالوجسٹ ڈاکٹر کریگ باسمین نے اٹلی میں ہونے والی تحقیق پر تبصرہ کرتے ہوئے بتایا کہ دل کے دورے کے مریضوں کے خون میں مائیکرو پلاسٹک کے ذرات پائے گئے ہیں۔ ماہرین کا کہنا ہے کہ اگرچہ اس تحقیق میں دونوں کے درمیان تعلق سامنے آیا ہے، لیکن یہ حتمی طور پر ثابت نہیں ہوتا کہ یہ ذرات براہِ راست دل کے دورے کی وجہ بنتے ہیں، جس کے لیے مزید تحقیق درکار ہے۔ ماحول میں پلاسٹک کی همہ وقت موجودگی کے پیش نظر ماہرین نے اس کی نمائش کو کم کرنے کے لیے خوراک اور مشروبات میں پلاسٹک کے برتنوں سے گریز کرنے کا مشورہ دیا ہے