جیفری ایپسٹین سے کوئی تعلق نہیں، تمام الزامات بے بنیاد قرار، میلانیا ٹرمپ کی وضاحت

امریکا کی خاتونِ اول میلانیا ٹرمپ نے اپنے اور بدنام زمانہ مجرم جیفری ایپسٹین سے متعلق سامنے آنے والے دعوؤں کو سختی سے مسترد کر دیا ہے۔

میلانیا ٹرمپ نے وائٹ ہاؤس میں صحافیوں سے گفتگو کرتے ہوئے کہا کہ وہ ایپسٹین کی متاثرہ نہیں ہیں اور نہ ہی ان کا اس سے کسی قسم کا تعلق رہا ہے۔

انہوں نے واضح کیا کہ ایپسٹین نے ان کا تعارف ڈونلڈ ٹرمپ سے نہیں کروایا تھا اور وہ اس معاملے میں کسی بھی طرح شامل نہیں رہیں۔

میلانیا ٹرمپ کا کہنا تھا کہ انہیں ایپسٹین کے جرائم یا متاثرین سے متعلق کسی قسم کی کوئی معلومات نہیں تھیں اور ان کا اس پورے معاملے سے کوئی تعلق نہیں۔