وزیراعظم سے پاکستان میں تعینات سعودی عرب کے سفیر کی ملاقات
Web Desk
31 December 2025
وزیراعظم محمد شہباز شریف سے پاکستان میں تعینات مملکتِ سعودی عرب کے سفیر عزت مآب نواف بن سعید احمد المالکی نے وزیراعظم ہاؤس میں ملاقات کی۔
ملاقات کے دوران وزیراعظم نے خادمِ حرمین شریفین شاہ سلمان بن عبدالعزیز آل سعود اور سعودی عرب کے وزیر اعظم و ولی عہد شہزادہ محمد بن سلمان بن عبدالعزیز آل سعود کے لیے نیک تمناؤں اور احترام کا اظہار کیا۔ وزیراعظم نے پاکستان اور سعودی عرب کے درمیان دیرینہ برادرانہ تعلقات پر اطمینان کا اظہار کرتے ہوئے انہیں مزید مضبوط اور گہرا کرنے کے عزم کا اعادہ کیا۔
وزیراعظم نے رواں سال کے دوران ولی عہد شہزادہ محمد بن سلمان سے ہونے والی ملاقاتوں کو انتہائی نتیجہ خیز قرار دیا اور کہا کہ ان ملاقاتوں نے پاک سعودی تعلقات کو نئی بلندیوں تک پہنچانے میں اہم کردار ادا کیا۔ انہوں نے مشکل وقت میں پاکستان کی مسلسل حمایت اور علاقائی امن و استحکام کے لیے سعودی عرب کے تعمیری کردار کو بھی سراہا۔
ملاقات میں علاقائی اور عالمی صورتحال پر تبادلۂ خیال کیا گیا، جہاں وزیراعظم نے مذاکرات اور سفارتکاری کے ذریعے امن و استحکام کے فروغ کی ضرورت پر زور دیا۔
اس موقع پر سعودی سفیر نواف المالکی نے شاہ سلمان بن عبدالعزیز اور ولی عہد شہزادہ محمد بن سلمان کی جانب سے وزیراعظم کے لیے نیک خواہشات اور تہنیتی پیغام پہنچایا اور پاکستان کے ساتھ باہمی دلچسپی کے تمام شعبوں میں تعاون کو مزید فروغ دینے کے عزم کا اظہار کیا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026