بانی پی ٹی آئی اور بشریٰ بی بی کی اڈیالہ جیل میں ملاقات

جیل ذرائع کے مطابق بانی پی ٹی آئی اور بشریٰ بی بی کی گزشتہ روز اڈیالہ جیل میں ملاقات کرائی گئی۔ ذرائع کا کہنا ہے کہ دونوں میاں بیوی تقریباً 45 منٹ تک اکٹھے رہے اور ملاقات کے دوران ایک دوسرے کا حال احوال پوچھا۔

جیل ذرائع کے مطابق ملاقات جیل کے کانفرنس روم میں کرائی گئی اور یہ ملاقات جیل قوانین و ضوابط کے مطابق تھی۔ واضح رہے کہ گزشتہ ہفتے بھی بانی پی ٹی آئی اور بشریٰ بی بی کی ملاقات کرائی گئی تھی۔

مزید بتایا گیا ہے کہ بشریٰ بی بی کے وکیل کی جانب سے کچھ ضروری سامان بھی گزشتہ روز جیل انتظامیہ نے وصول کیا، جس میں کمبل، گرم کپڑے، میوہ جات، کھجوریں اور دیگر ضروری اشیا شامل تھیں۔