جامعہ اشرفیہ کے مہتمم مولانا فضل الرحیم اشرفی انتقال کر گئے

لاہور : پاکستان کے ممتاز مذہبی عالم اور جامعہ اشرفیہ کے مہتمم مولانا فضل الرحیم اشرفی 82 برس کی عمر میں طویل علالت کے بعد انتقال کر گئے۔

خاندانی ذرائع کے مطابق مولانا فضل الرحیم اشرفی کی نمازِ جنازہ آج بعد از نمازِ ظہر جامعہ اشرفیہ لاہور میں ادا کی جائے گی، جس میں علمائے کرام، مذہبی شخصیات اور مختلف مکاتبِ فکر سے تعلق رکھنے والے افراد کی بڑی تعداد کی شرکت متوقع ہے۔

مولانا فضل الرحیم اشرفی پاکستان کے معتبر اور قدیم مذہبی ادارے جامعہ اشرفیہ سے طویل عرصے تک وابستہ رہے اور بحیثیت مہتمم دینی تعلیم و تدریس کے فروغ میں نمایاں خدمات انجام دیں۔ ان کے انتقال سے دینی و علمی حلقوں میں گہرے رنج و غم کی فضا ہے۔