پاکستان اور امتِ مسلمہ کو سنجیدگی سے اپنے مستقبل کا تعین کرنا ہوگا،مولانا فضل الرحمان

لاہور: جمعیت علمائے اسلام کے سربراہ مولانا فضل الرحمان نے کہا ہے کہ امتِ مسلمہ کو موجودہ عالمی اور علاقائی صورتحال میں متحد اور مضبوط مؤقف اپنانا ہوگا۔
فلسطین اور بیت المقدس صرف ایران کا مسئلہ نہیں بلکہ پوری امتِ مسلمہ کا ہے۔بدقسمتی سے اسلامی دنیا داخلی اختلافات اور لڑائیوں میں الجھ گئی ہے۔پاکستان اس وقت پیچیدہ علاقائی اور سفارتی چیلنجز کا سامنا کر رہا ہے، جہاں بھارت کے ساتھ مشرقی سرحد اور افغانستان کی جانب مغربی سرحد کشیدہ ہیں۔
پاکستان کے علاقائی اور عالمی تعلقات کا ازسرِ نو جائزہ ضروری ہے۔الزام تراشی یا ایک دوسرے کو غلط قرار دینا مسائل کا حل نہیں۔
حساس قومی اور قومی سلامتی کے معاملات کو جلسوں اور گلی کوچوں کی سیاست کا موضوع نہیں بنایا جانا چاہیے۔
پاکستان کے مستقبل کے لیے سیاسی اور سفارتی راستے اختیار کرنا ہوں گے اور خطے میں پرامن اور اچھے ہمسایہ تعلقات کو فروغ دینا ضروری ہے۔
جنگ سے امن پیدا نہیں ہوتا، بلکہ جنگ مزید جنگ کو جنم دیتی ہے۔خطے میں جنگ کی آگ بھڑکی تو اس کی لپیٹ میں سب آ جائیں گے۔
مولانا فضل الرحمان نے پارلیمنٹ پر زور دیا کہ اہم قومی اور سفارتی معاملات پر فلور پر اِن کیمرہ اجلاس بلایا جائے تاکہ عوامی نمائندے کھل کر اپنا اظہارِ رائے دے سکیں اور حکومت و اسٹیبلشمنٹ قوم اور پارلیمنٹ کو اعتماد میں لے۔