مریم نواز کی زیر صدارت سپیشلائزڈ ہیلتھ کیئر اجلاس، اہم منصوبوں کی منظوری
Web Desk
25 June 2026
وزیراعلیٰ پنجاب مریم نواز شریف کی زیر صدارت سپیشلائزڈ ہیلتھ کیئر ڈیپارٹمنٹ کے حوالے سے ایک انتہائی اہم اور اعلیٰ سطح کا اجلاس منعقد ہوا، جس میں صوبے کے ہیلتھ کیئر انفراسٹرکچر کو جدید خطوط پر استوار کرنے کے لیے متعدد میگا پراجیکٹس کی منظوری دی گئی۔ اجلاس میں مریم نواز شریف نے پنجاب میں صحت کی بین الاقوامی سہولیات اور بہترین انسانی وسائل کی فراہمی کو اپنا بنیادی مشن قرار دیا۔
اجلاس کے دوران نواز شریف انسٹی ٹیوٹ آف کارڈیالوجی سرگودھا، نواز شریف انسٹی ٹیوٹ آف کینسر ٹریٹمنٹ اینڈ ریسرچ، اور جناح انسٹی ٹیوٹ آف کارڈیالوجی لاہور کے منصوبوں پر تفصیلی بریفنگ دی گئی اور ان کے مانیٹرنگ فریم ورک کا جائزہ لیا گیا۔
صوبائی حکومت نے جاری ترقیاتی منصوبوں کی تیز رفتار تکمیل کو یقینی بناتے ہوئے درج ذیل الاٹمنٹس اور تاریخوں کی منظوری دی ہےاس سٹیٹ آف دی آرٹ ہسپتال کا باقاعدہ افتتاح 15 جولائی کو کیا جائے گا۔ ادارے کی مختصر ویڈیو دیکھنے کے بعد وزیراعلیٰ نے سپیشلائزڈ ہیلتھ کیئر ٹیم اور آئی ڈی اے پی (IDAP) کی کارکردگی اور تعمیراتی معیار کو سراہتے ہوئے کہا کہ ’’نواز شریف انسٹی ٹیوٹ آف کارڈیالوجی سرگودھا کو دیکھ کر ایسا لگتا ہے جیسے سعودی عرب کا کوئی بڑا ہسپتال ہو۔‘‘اس کینسر ہسپتال کے پیکیج اے اور بی 31 جولائی تک مکمل ہو جائیں گے، جس کے بعد اس کا باقاعدہ افتتاح 31 جولائی 2026 کو کیا جائے گا۔ اس منصوبے کا افتتاح 15 اگست کو کیا جائے گا، جبکہ ادارے میں ڈاکٹرز اور پیرا میڈیکل سٹاف کی بھرتیوں کا عمل 10 جولائی تک مکمل کر لیا جائے گا۔
پنجاب کے سرکاری ہسپتالوں میں علاج معالجے کے معیار کو عالمی سطح پر لانے کے لیے وزیراعلیٰ مریم نواز نے تاریخی ‘ڈائیسپورا ڈاکٹر لوکم پروگرام’ (DDLP) کی باقاعدہ منظوری دے دی ہے، اس پروگرام کے تحت بیرونِ ملک مقیم (اوورسیز) پاکستانی اور غیر ملکی ماہر ڈاکٹرز (Foreign Nationals) پنجاب کے سرکاری ہسپتالوں میں مختصر مدت کے لیے اپنی خدمات سرانجام دے سکیں گے۔ ڈاکٹر کا پوسٹ گریجویٹ ہونا، کم از کم 3 سال کا بیرون ملک فیلوشپ تجربہ اور فٹنس سرٹیفکیٹ ہونا لازمی ہے۔ ان ڈاکٹروں کو پنجاب کے منتخب کردہ 12 بڑے ہسپتالوں میں کم از کم 15 دن خدمات انجام دینا ہوں گی، جہاں وہ 8 اقسام کی جدید اور پیچیدہ سرجریز کر سکیں گے۔ وزیراعلیٰ نے ان ماہرین کو بہترین اور پرکشش معاوضہ (پیکج) دینے کا فیصلہ کیا ہے۔ پروگرام کی شفافیت کے لیے ایک آپریشنل ویب پورٹل اور ڈیجیٹل ڈیش بورڈ جلد لائیو کیا جائے گا، جہاں آن لائن رجسٹریشن، کریڈنشلز کی تصدیق اور ادائیگیوں کا نظام موجود ہوگا۔ یہ ماہرین پنجاب کے مقامی طبی عملے کو جدید ترین طبی تربیت بھی فراہم کریں گے۔
وزیراعلیٰ مریم نواز شریف نے ہیلتھ کیئر میں نرسنگ سٹاف کی اہمیت پر زور دیتے ہوئے نرسنگ سیکٹر کے لیے بھی اسی طرز پر ایک نیا پروگرام شروع کرنے کی سخت ہدایت جاری کی اور کہا کہ ہسپتالوں کے ڈائریکٹرز انتہائی باصلاحیت ہونے چاہئیں کیونکہ نرسنگ کیئر ہی ہسپتال کا پورا نقشہ بدل دیتی ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026