مریم نواز کا یوم شہادت حضرت علیؓ پر فول پروف سکیورٹی انتظامات کا حکم

وزیراعلیٰ پنجاب مریم نواز شریف نے یوم شہادت حضرت علیؓ کے موقع پر فول پروف سکیورٹی انتظامات یقینی بنانے کا حکم دے دیا۔

اپنے بیان میں مریم نواز شریف نے تمام جلوسوں اور مجالس کے حفاظتی اقدامات کی مسلسل مانیٹرنگ کی ہدایت کی اور پولیس افسران کو جلوس و مجالس کے اختتام تک نگرانی جاری رکھنے کا حکم دیا۔

وزیراعلیٰ پنجاب نے مساجد میں معتکفین کی حفاظت کے لیے بھی خصوصی سکیورٹی اقدامات کرنے کی ہدایت کی۔

واضح رہے کہ آج یومِ علیؓ کے موقع پر ملک بھر کے مختلف شہروں میں جلوس نکالے جا رہے ہیں جبکہ سکیورٹی خدشات کے پیش نظر متعدد سڑکوں اور گلیوں کو کنٹینرز لگا کر بند کر دیا گیا ہے اور سخت حفاظتی انتظامات کیے گئے ہیں۔