اے آئی حب کا افتتاح، پنجاب کا ایک یونٹ کی طرح کام کرنا ہماری بڑی طاقت ہے: مریم نواز

وزیراعلیٰ پنجاب مریم نواز شریف نے کہا ہے کہ پنجاب میں قانون کی باقاعدہ حکمرانی اور اداروں کے باہمی تعاون کی بدولت جرائم کی شرح میں 70 فیصد تک واضح کمی واقع ہوئی ہے۔ پنجاب کے جدید ‘آرٹیفشل انٹیلی جنس (AI) سنٹر’ کی افتتاح کی تقریب سے خطاب کرتے ہوئے انہوں نے کہا کہ صوبے کے تمام اداروں کا ایک یونٹ کے طور پر کام کرنا حکومتی کامیابی کی سب سے بڑی طاقت ہے۔ وزیراعلیٰ نے واضح کیا کہ حکومت نے امن و امان کی بحالی اور عوامی تحفظ یقینی بنانے کے لیے بلاتفرق اور مشکل فیصلے کیے ہیں۔