مشرق وسطیٰ کی صورتحال، ملک کے 92 بین الاقوامی پروازیں آج منسوخ

ملک کے بین الاقوامی ایئرپورٹس سے آج مشرق وسطیٰ کے مختلف ایئرپورٹس کے لیے دوطرفہ 92 پروازیں منسوخ کر دی گئی ہیں۔

کراچی ایئرپورٹ سے آج دوحہ، کویت، بحرین، ایران، عراق اور دیگر پروازیں منسوخ ہوئیں، اسلام آباد ایئرپورٹ سے دبئی، دوحہ، بحرین، کویت اور مسقط کے لیے 28 پروازیں منسوخ کی گئیں۔لاہور، پشاور، ملتان اور سیالکوٹ ایئرپورٹس سے بھی متعدد پروازیں منسوخ ہوئیں، جبکہ فیصل آباد ایئرپورٹ پر آپریشن معمول کے مطابق جاری رہا۔گذشتہ 19 دنوں میں مشرق وسطیٰ کے لیے مجموعی طور پر 1,822 پروازیں منسوخ ہو چکی ہیں، جس سے مسافروں کو شدید مشکلات کا سامنا ہے۔