بارش کے پانی کو محفوظ بنانے کے لیے آن گراؤنڈ واٹر باڈیز کا پلان طلب

وزیرِاعلیٰ پنجاب مریم نواز شریف نے بارش کے پانی کو محفوظ بنانے کے لیے آن گراؤنڈ واٹر باڈیز کا باقاعدہ پلان طلب کر لیا ہے۔ زراعت اور واٹر مینجمنٹ کی ٹرانسفارمیشن پر منعقدہ اعلیٰ سطحی اجلاس کی صدارت کرتے ہوئے انہوں نے پوٹھوہار کے بارانی پانی کو ذخیرہ کرنے کے لیے آئندہ 3 سالوں میں 800 نئے منی ڈیمز بنانے کی منظوری دی۔ مریم نواز نے بتایا کہ ان ڈیمز کی تعمیر سے 32,000 ایکڑ فٹ پانی ذخیرہ کرنے کی صلاحیت پیدا ہوگی۔ اجلاس میں واٹر مانیٹرنگ اور کنزرویشن کے لیے خصوصی ہیومن ریسورس اسٹااف کی تعیناتی کا فیصلہ کیا گیا، جبکہ رواں مالی سال کے دوران کسانوں کو 50 فیصد سبسڈی پر 1,000 نئے لیزر لینڈ لیولرز فراہم کرنے کا بھی اعادہ کیا گیا۔