شیروں کا جذبہ پیسوں سےخریدا نہیں جاسکتا، مریم اورنگزیب

سینئر وزیر پنجاب مریم اورنگزیب نے ایک بڑی ریلی سے خطاب کرتے ہوئے کہا ہے کہ مسلم لیگ (ن) کے شیروں کا جذبہ پیسوں سے خریدا نہیں جا سکتا اور کشمیری عوام اپنے ووٹ کا استعمال سوچ سمجھ کر کریں۔ انہوں نے کہا کہ پنجاب کے تمام 41 اضلاع میں واسا (WASA) کا قیام عمل میں لایا جا چکا ہے جبکہ 1,000 سے زائد “کلینک آن وہیلز” فعال ہیں۔ مریم اورنگزیب نے اعلان کیا کہ وزیراعلیٰ مریم نواز کے وژن کے تحت آزاد کشمیر میں گرین بس سروس، سیف سٹی پروجیکٹس، میڈیکل ڈسٹرکٹس، اور کارڈیالوجی سینٹرز کا قیام عمل میں لایا جائے گا، جبکہ کشمیری نوجوانوں کو لیپ ٹاپس اور اسکالرشپس بھی دی جائیں گی۔