شاہی کمیشن نے مکہ مکرمہ میں جدید ایئرپورٹ کے قیام کی منظوری دیدی

مکہ مکرمہ میں جلد ایک جدید ہوائی اڈے کا قیام عمل میں آئے گا۔ شاہی کمیشن برائے شہر مکہ مکرمہ اور مقدس مقامات کے چیف ایگزیکٹو آفیسر صالح الراشد نے ہارورڈ بزنس ریویو کے ساتھ ملاقات میں اس بات کی تصدیق کی کہ مکہ کے لیے اسٹریٹجک اور سرمایہ کاری کے تمام اقدامات کی منظوری دے دی گئی ہے۔

انہوں نے بتایا کہ یہ منصوبہ شہر کی اقتصادی ترقی، زائرین کی سہولت اور مستقبل میں ہوائی آمد و رفت کی ضروریات کو مدنظر رکھتے ہوئے تیار کیا گیا ہے۔ منصوبے کے تحت ہوائی اڈے میں جدید سہولیات فراہم کی جائیں گی اور اسے بین الاقوامی معیار کے مطابق بنایا جائے گا تاکہ لاکھوں زائرین کے سفر کو آسان بنایا جا سکے۔