مکہ دفاعی معاہدہ پاکستان کیلئے سٹریٹجک وسعت و علاقائی توازن کا ذریعہ قرار

امریکی جریدے ‘ایف پی آئی ایف’ کی ایک رپورٹ میں مکہ باہمی دفاعی معاہدے کو پاکستان کے لیے سٹریٹجک وسعت اور علاقائی توازن قائم کرنے کا اہم ذریعہ قرار دیا گیا ہے۔ رپورٹ کے مطابق اس معاہدے کو صرف ایران مخالف اتحاد کے طور پر دیکھنا درست نہیں ہوگا، بلکہ یہ بدلتے ہوئے مشرقِ وسطیٰ میں علاقائی طاقتوں کے مسلسل بڑھتے ہوئے کردار کا مظہر ہے۔ جریدے نے واضح کیا کہ اس معاہدے کے لیے امریکی صدر کی حمایتی پالیسی واشنگٹن میں پاکستان کی سفارتی و عسکری اہمیت کو ظاہر کرتی ہے۔ معاہدے کی بنیادی توجہ علاقائی پراکسی خطرات کا مل کر مقابلہ کرنے پر مرکوز ہے، جبکہ اس میں خطے کے دیگر ممالک کی شمولیت کے لیے بھی راستے کھلے رکھے گئے ہیں۔