محمود اچکزئی نے اپوزیشن کو حکومت سے مذاکرات کیلئے ہدایات جاری کر دیں

اپوزیشن الائنس کے سربراہ اور سینئر سیاست دان محمود خان اچکزئی نے حکومت کے ساتھ متوقع مذاکراتی عمل کے حوالے سے اپوزیشن رہنماؤں کو نئی اہم ہدایات جاری کر دی ہیں۔ ذرائع کے مطابق محمود اچکزئی نے اپوزیشن کمیٹی کے اراکین کو پیغام بھیجتے ہوئے ہدایت کی ہے کہ اگر حکومت کی جانب سے مذاکرات کی بحالی کے لیے کوئی نیا رابطہ کیا جاتا ہے تو اس کا مثبت اور سنجیدہ جواب دیا جائے۔

تاہم اپوزیشن لیڈر نے واضح شرط عائد کی ہے کہ حکومت کے ساتھ کسی بھی باضابطہ پیش رفت کی پہلی اور بنیادی شرط بانیِ پی ٹی آئی عمران خان سے ملاقات کی اجازت ہونی چاہیے۔ محمود خان اچکزئی کا کہنا تھا کہ حکومت عمران خان کی ہمشیرہ کی رہائی کا حکم دے کر مذاکراتی فضائی کو بہتر اور مثبت پیش رفت کا آغاز کر سکتی ہے۔ انہوں نے زور دے کر کہا کہ اگر بانی پی ٹی آئی سے ملاقات اور مشاورت کی اجازت نہیں دی جاتی تو وزیراعظم شہباز شریف کے ساتھ ملاقات بے معنی ہوگی اور ایسی صورت میں وزیراعظم سے ملاقات سے انکار کا سوچا جا سکتا ہے۔