قومی اسمبلی اور سینیٹ کے اپوزیشن لیڈرز کی ملاقات: محمود خان اچکزئی کی علامہ راجہ ناصر عباس سے سیاسی صورتحال پر گفتگو

قومی اسمبلی میں قائدِ حزبِ اختلاف محمود خان اچکزئی نے سینیٹ میں قائدِ حزبِ اختلاف علامہ راجہ ناصر عباس سے اہم ملاقات کی ہے، جس میں ’تحریکِ تحفظِ آئینِ پاکستان‘ کے ترجمان اخونزادہ حسین یوسفزئی بھی ان کے ہمراہ موجود تھے۔ ملاقات کے دوران ملکی سیاسی صورتحال، آئینی امور، پارلیمان کے اندر اپوزیشن کے مشترکہ لائحہ عمل اور مستقبل کی تحریکی حکمتِ عملی پر مفصل تبادلہ خیال کیا گیا۔ رہنماؤں نے آئین کی بالادستی، جمہوریت کی بحالی اور عوام کے بنیادی حقوق کے تحفظ کے لیے پارلیمانی اور عوامی سطح پر اتحاد و یکجہتی کو مضبوط بنانے کی ضرورت پر زور دیا۔