کوٹ مومن: تیز رفتار گاڑی ٹرک سے جا ٹکرائی، 2 خواتین جاں بحق، 2 افراد زخمی

موٹروے ایم 2 پر کوٹ مومن کے قریب ایک تیز رفتار ایس یو وی گاڑی آگے جانے والے ٹرک سے ٹکرا گئی، جس کے نتیجے میں 2 خواتین موقع پر ہی جاں بحق جبکہ 2 افراد شدید زخمی ہو گئے۔ ترجمان سینٹرل ریجن کے مطابق حادثہ ڈرائیور کی توجہ ہٹنے کے باعث پیش آیا۔ اطلاع ملتے ہی ایس پی موٹروے پولیس فیصل اکرم ٹیم کے ہمراہ موقع پر پہنچ گئے۔ لاشوں اور زخمیوں کو فوری طور پر ہسپتال منتقل کر دیا گیا ہے، جہاں زخمیوں کی حالت تشویشناک بتائی جا رہی ہے۔ موٹروے پولیس نے واقعے کی مزید تحقیقات شروع کر دی ہیں۔