راولپنڈی میں شدید دھند؛ موٹروے ایم ون کے دو حصے ٹریفک کیلئے بند

راولپنڈی : شدید دھند اور حدِ نگاہ تقریباً صفر ہونے کے باعث موٹروے ایم ون کو مختلف سیکشنز سے ٹریفک کے لیے عارضی طور پر بند کر دیا گیا ہے۔

ترجمان موٹروے پولیس کے مطابق پشاور ٹال پلازہ سے رشکئی تک جبکہ صوابی سے برہان تک موٹروے کا ٹریفک معطل ہے۔ حکام کا کہنا ہے کہ دھند کی شدت کے سبب ڈرائیورز کی حفاظت پیشِ نظر رکھتے ہوئے راستہ بند کرنا ضروری تھا۔

موٹروے پولیس نے عوام سے اپیل کی ہے کہ دھند کے دوران سفر کرتے وقت گاڑیوں میں فوگ لائٹس کا استعمال لازمی کریں اور غیر ضروری سفر سے حتی الامکان گریز کریں۔

سڑک کی تازہ صورتحال جاننے کے لیے شہری ہیلپ لائن 130 پر رابطہ کر سکتے ہیں۔