مریم نواز کی سرکاری ہسپتالوں میں فائر سیفٹی سسٹم کی تنصیب یقینی بنانے کی ہدایت

وزیراعلیٰ پنجاب مریم نواز شریف کی ہدایت پر صوبے کے تمام سرکاری ہسپتالوں میں فائر سیفٹی سسٹم کی مکمل تنصیب کے اقدامات شروع کر دیے گئے ہیں۔ اس سلسے میں ڈپٹی کمشنر ندیم ناصر نے تمام سرکاری ہسپتالوں کی انتظامیہ سے فائر سیفٹی انتظامات پر مبنی تفصیلی رپورٹس طلب کر لی ہیں اور واضح کیا ہے کہ ہسپتالوں میں فائر سیفٹی سسٹم کی تنصیب اور ہائیڈرنٹس کی فراہمی کو ہر صورت یقینی بنایا جائے گا۔ ان کی ہدایت پر ایڈیشنل ڈپٹی کمشنر عبدالرحمان نے ریسکیو ٹیموں کے ہمراہ مختلف ہسپتالوں کا جائزہ لیا اور فائر الارم، ایمرجنسی ایگزٹس اور دیگر حفاظتی آلات کا معائنہ کیا۔ ڈپٹی کمشنر نے کہا کہ مریضوں اور عملے کا تحفظ اولین ترجیح ہے اور حفاظتی انتظامات میں کسی قسم کی غفلت برداشت نہیں کی جائے گی۔