لندن میں ایرانی انٹیلی جنس کی مدد کے شبہ میں خاتون اور ایک شخص گرفتار

برطانیہ کے دارالحکومت لندن میں میٹروپولیٹن پولیس کے کاؤنٹر ٹیررازم کمانڈ نے ایران کی انٹیلی جنس سروس کے لیے مبینہ سہولت کاری اور مدد کے شبہ میں ایک خاتون اور ایک مرد کو گرفتار کر لیا ہے۔ برطانوی میڈیا کی رپورٹس کے مطابق پولیس کا کہنا ہے کہ 42 سالہ خاتون اور 60 سالہ شخص کو ملک کے نیشنل سیکیورٹی ایکٹ (National Security Act) کے تحت حراست میں لیا گیا، جن پر غیر ملکی استخباراتی ادارے کے ساتھ سیکیورٹی کے منافی تعاون کے شدید الزامات ہیں۔

میٹروپولیٹن پولیس کی جانب سے جاری کردہ تفصیلات کے مطابق ابتدائی تفتیش اور بازپرس کے بعد دونوں زیرِ حراست افراد کو سخت قانونی اور حفاظتی شرائط کے تحت اکتوبر کے آخر تک ضمانت پر رہا کر دیا گیا ہے۔ برطانوی حکام کا کہنا ہے کہ لندن میں حساس قومی سلامتی کے خطرات اور غیر ملکی انٹیلی جنس نیٹ ورکس کے خلاف تحقیقاتی عمل مکمل شفافیت اور سنجیدگی کے ساتھ جاری رہے گا۔