دشمن کے لاحق تمام خطرات کا مقابلہ کرنے کیلئے پوری طرح تیار ہیں: ایرانی فوج

ایران کی بری فوج کے سینئر کمانڈر بریگیڈیئر جنرل علی جہان شاہی نے جاری عالمی و علاقائی کشیدگی کے پیشِ نظر اعلان کیا ہے کہ ملک کی مسلح افواج دشمن کی جانب سے لاحق کسی بھی ممکنہ خطرے کا بھرپور مقابلہ کرنے کے لیے مکمل طور پر تیار ہیں۔ قزوین (Qazvin) میں قائم بکتر بند ڈویژن کی جنگی صلاحیتوں اور دفاعی تیاریوں کا جائزہ لیتے ہوئے انہوں نے واضح کیا کہ ایرانی افواج ملک کی تمام بحری و برّی سرحدوں پر انتہائی متحرک اور الرٹ ہیں تاکہ ملک کی علاقائی سالمیت اور خودمختاری کا ہر قیمت پر دفاع کیا جا سکے۔

جنرل علی جہان شاہی کا کہنا تھا کہ ایران کی بری فوج کے اہلکاروں نے ہمیشہ انتہائی سخت اور کٹھن حالات کے باوجود بلند عزم اور حوصلے سے اپنے دفاعی فرائض انجام دیے ہیں۔ انہوں نے زور دے کر کہا کہ مسلح افواج جدید عسکری صلاحیتوں سے لیس ہیں اور سرحدوں پر دشمن کی کسی بھی جرات یا جارحانہ نقل و حرکت کا فوری اور مؤثر جواب دینے کی صلاحیت رکھتی ہیں۔