لندن میئر الیکشن 2028: ریفارم یوکے نے مسلم امیدوار لیلیٰ کیننگھم کو میدان میں اتار دیا

لندن کے اگلے میئر کون ہوں گے؟ 2028 کے میئر الیکشن کے لیے ریفارم یوکے کے رہنما نائجل فراج نے مسلم امیدوار لیلیٰ کیننگھم کو پارٹی ٹکٹ دے دیا ہے۔ امیدوار کے اعلان کا باضابطہ اعلان پریس کانفرنس کے دوران کیا گیا۔

میڈیا رپورٹس کے مطابق مصری نژاد لیلیٰ کیننگھم لندن میں پارٹی کی انتخابی مہم میں مرکزی کردار ادا کریں گی۔ ان کا کہنا ہے کہ ان کے پاس لندن کے عوام کے لیے ایک مختلف اور واضح پیغام ہے۔

لیلیٰ کیننگھم نے کہا کہ منتخب ہوکر وہ جرائم کے خلاف سخت کریک ڈاؤن کریں گی، چاقو کے جرائم، منشیات، ڈکیتی اور جنسی جرائم سے نمٹنے کے لیے پولیس کو ترجیح دی جائے گی۔
انہوں نے کہا کہ میٹ پولیس کے مسائل بھرتیوں کے نہیں بلکہ ترجیحات کے ہیں۔ لیلیٰ کیننگھم 2022 میں ویسٹ منسٹر سے کونسلر منتخب ہوئیں، جبکہ موجودہ میئر صادق خان نے تاحال چوتھی مدت کے لیے انتخاب لڑنے سے متعلق کوئی عندیہ نہیں دیا۔