نورین نیازی اور عظمیٰ خان کی نظر بندی کے خلاف درخواست لاہور ہائیکورٹ میں سماعت کے لیے مقرر، 12 اکتوبر کو ہوگی

پاکستان تحریک انصاف کے بانی کی والدہ نورین نیازی اور خالہ عظمیٰ خان کی نظر بندی کے خلاف دائر درخواست لاہور ہائیکورٹ میں 12 اکتوبر کو سماعت کے لیے مقرر کر لی گئی ہے۔ جسٹس عبہر گل خان سکینہ نیازی کی جانب سے دائر کردہ اس درخواست پر سماعت کریں گی، جس میں درخواست گزار کی طرف سے رانا مدثر ایڈووکیٹ جبکہ پنجاب حکومت کی جانب سے اسسٹنٹ ایڈووکیٹ جنرل محمد فرخ خان عدالت میں پیش ہوں گے۔ عدالت عالیہ نے نظر بند خواتین کو ادویات اور کپڑوں سمیت دیگر بنیادی سہولیات کی فراہمی سے متعلق بھی رپورٹ طلب کر رکھی ہے۔ درخواست میں مؤقف اختیار کیا گیا ہے کہ ڈی سی لاہور کا اتوار کے روز جاری کردہ نظر بندی کا حکم غیر آئینی ہے، جبکہ 9 مئی کے جس کیس میں انہیں شاملِ تفتیش کیا گیا تھا اس میں بھی وہ بے گناہ ثابت ہو چکی ہیں۔ عدالت سے استدعا کی گئی ہے کہ نظر بندی کا حکم کالعدم قرار دے کر دونوں شریف شہریوں کو فوراً رہا کرنے کا حکم دیا جائے۔