جبر کے تحت قانون سازی اور ایسی جمہوریت قبول نہیں، مولانا فضل الرحمان
Web Desk
27 December 2025
جمعیت علمائے اسلام کے سربراہ مولانا فضل الرحمان نے کہا ہے کہ پارلیمنٹیرینز کے ہاتھ مروڑ کر قانون سازی کروائی گئی اور اس طرح کی جمہوریت کو ہم نہیں مانتے۔ ایک سال پہلے تک دو تہائی اکثریت موجود نہیں تھی، پھر اچانک یہ اکثریت کیسے حاصل کی گئی، یہ سوالیہ نشان ہے۔ انہوں نے کہا کہ باطل اور جابر کے خلاف بولنا ہی حق ہے۔
جامعہ قاسم العلوم ملتان میں فضلاء و علماء کنونشن سے خطاب کرتے ہوئے مولانا فضل الرحمان نے کہا کہ عالمی اسٹیبلشمنٹ کی مدارس کے خلاف سوچ میں تسلسل موجود ہے۔ انہوں نے بتایا کہ گزشتہ سال اکتوبر میں قانون سازی ہوئی، ایک ماہ مذاکرات ہوئے اور دسمبر 2027 تک سودی نظام کے خاتمے کا قانون بنایا گیا، ساتھ ہی شرعی عدالت کو مضبوط کیا گیا اور اپیل پر ایک سال میں فیصلہ لازم قرار دیا گیا۔
مولانا فضل الرحمان نے کہا کہ اسلامی نظریاتی کونسل کی سفارشات کو بحث کے لیے نہیں لایا جا رہا، جبکہ ایک سال سے کوئی سفارش پیش نہیں کی گئی۔ مدارس کو بغیر رجسٹریشن چلنے کا الزام لگایا جاتا ہے، حالانکہ اس میں رکاوٹیں بھی خود پیدا کی جاتی ہیں۔ انہوں نے کہا کہ امریکہ اور مغربی دنیا مدارس کے خلاف ہیں اور انہیں شدت پسندی سے جوڑا جاتا ہے، حالانکہ مدارس میں انتہا پسندی نہیں پڑھائی جاتی۔
انہوں نے 27ویں آئینی ترمیم پر تنقید کرتے ہوئے کہا کہ یہ قانون سازی بغیر مشاورت کے کی گئی اور جبر کی بنیاد پر بنائے گئے قوانین اور جمہوریت کو تسلیم نہیں کیا جا سکتا۔ مولانا فضل الرحمان نے کہا کہ نئی قانون سازی کے ذریعے زنا کے راستے کھولے گئے اور نکاح کو مشکل بنایا گیا، 18 سال سے کم عمر نکاح کو زنا قرار دینا اسلامی ریاست میں کسی صورت قابل قبول نہیں۔
انہوں نے کہا کہ وزیراعظم کو بھی آگاہ کیا گیا کہ یہ قانون شریعت کے خلاف ہے۔ مولانا فضل الرحمان کا کہنا تھا کہ ختمِ نبوت کا مسئلہ سیاست سے بالاتر ہے اور اب جمعیت علمائے اسلام کو مزید مضبوط کرنے کا وقت ہے۔ انہوں نے زور دیا کہ تعلیم، تربیت اور مدارس کی ضرورت ہے تاکہ دین اور معاشرے کے ہر پہلو کی درست سمجھ بوجھ پیدا ہو س
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026