اڈیالہ جیل: بانی پی ٹی آئی سے وکلا اور اہلِ خانہ کی ملاقات چھ وکلا رہنماؤں کی فہرست ارسال

اڈیالہ جیل میں بانی پاکستان تحریک انصاف سے وکلا اور اہلِ خانہ کی ملاقات کا دن مقرر کر دیا گیا ہے۔ پاکستان تحریک انصاف کی جانب سے چھ وکلا رہنماؤں کی فہرست اڈیالہ جیل حکام کو ارسال کر دی گئی ہے۔

فہرست کے مطابق بانی پی ٹی آئی سے ملاقات کرنے والے وکلا رہنماؤں میں بیرسٹر گوہر خان، سلمان اکرم راجا اور نعیم پنجوتھہ شامل ہیں، جبکہ فتح اللہ برکی، نادیہ خٹک اور شمسہ کیانی کے نام بھی فہرست میں شامل کیے گئے ہیں۔ذرائع کے مطابق مذکورہ وکلا رہنما کل منگل کو بانی پی ٹی آئی سے ملاقات کے لیے اڈیالہ جیل پہنچیں گے۔اس کے علاوہ بانی پی ٹی آئی کی بہنیں اور بشریٰ بی بی کی فیملی بھی ملاقات کے لیے کل اڈیالہ جیل آئیں گی۔جیل حکام کی جانب سے ملاقات سے متعلق سکیورٹی اور انتظامی انتظامات مکمل کر لیے گئے ہیں۔