LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

اقلیتوں سے ناانصافی یا زیادتی پر قانون پوری قوت سے حرکت میں آئے گا: وزیراعظم

Web Desk

25 December 2025

وزیراعظم شہباز شریف نے کہا ہے کہ قوم مسلح افواج میں مسیحی افسران اور جوانوں کی خدمات کو کبھی فراموش نہیں کر سکتی، اور اقلیتوں کے ساتھ کسی بھی قسم کی ناانصافی برداشت نہیں کی جائے گی۔ کسی اقلیتی شہری سے زیادتی کی صورت میں قانون پوری قوت سے حرکت میں آئے گا۔

وزیراعظم ہاؤس میں کرسمس کے موقع پر منعقدہ خصوصی تقریب سے خطاب کرتے ہوئے وزیراعظم نے کہا کہ حضرت عیسیٰ علیہ السلام اور حضرت مریم سلام اللہ علیہا کی تعلیمات آج بھی انسانیت کے لیے مشعلِ راہ ہیں۔ انہوں نے کہا کہ پاکستان میں مسیحی برادری سمیت تمام اقلیتوں نے قیامِ پاکستان سے لے کر آج تک تعلیم، طب، دفاع اور دیگر شعبوں میں گراں قدر خدمات انجام دی ہیں۔

شہباز شریف نے کہا کہ اسلام مساوات، عدل اور انصاف کا درس دیتا ہے اور نبی کریم ﷺ کی تعلیمات انسانیت کے ساتھ محبت اور بردباری کا پیغام دیتی ہیں۔ انہوں نے وطن پر جان نچھاور کرنے والے مسیحی شہداء کو خراجِ عقیدت پیش کیا اور شہید ہارون ولیم کی قربانی کو سراہا۔

وزیراعظم کا کہنا تھا کہ پاکستان میں ہر شہری کو اپنے مذہب پر عمل کرنے کی مکمل آزادی حاصل ہے اور مسجد، مندر، گرجا گھر اور گوردوارے سب کے لیے محفوظ ہیں۔ انہوں نے یقین دلایا کہ حکومت اقلیتوں کی ترقی اور خوشحالی کے سفر میں ان کے ساتھ کھڑی ہے۔

بعد ازاں وزیراعظم شہباز شریف نے مسیحی برادری کے ساتھ کرسمس کا کیک کاٹا۔ تقریب میں وفاقی وزراء، اراکینِ پارلیمنٹ اور غیر ملکی سفارتکاروں نے بھی شرکت کی۔