LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

غیر ملکی خواتین اغواکیس کا پانچواں ملزم گرفتار،ایک خاتون سے زیادتی کی تصدیق

Web Desk

4 July 2026

صوبائی دارالحکومت کے علاقے ڈیفنس سی میں دو غیر ملکی خواتین کے مبینہ اغوا، اجتماعی زیادتی اور تاوان طلبی کے ہائی پروفائل مقدمے میں اہم پیش رفت سامنے آئی ہے، جہاں پولیس نے پانچویں نامزد ملزم کو بھی گرفتار کر لیا ہے جبکہ مزید تین افراد کو تفتیش کے لیے حراست میں لیا گیا ہے۔

تفتیشی ذرائع کے مطابق، ابتدائی میڈیکل رپورٹ میں وینزویلا سے تعلق رکھنے والی متاثرہ خاتون کے ساتھ جنسی زیادتی کی تصدیق ہو گئی ہے۔ پولیس کا کہنا ہے کہ متاثرہ خواتین اور گرفتار ملزمان کے ڈی این اے (DNA) نمونے اور موبائل فونز فرانزک لیبارٹری بھجوا دیے گئے ہیں، اور آئندہ کی تفتیش ان رپورٹس کی روشنی میں آگے بڑھائی جائے گی۔

ذرائع کے مطابق مقدمے میں نامزد مرکزی ملزم رضا ڈار نائب وزیرِ اعظم و وزیرِ خارجہ اسحاق ڈار کے نواسے ہیں۔ تفتیش کے دوران یہ چونکا دینے والا انکشاف بھی سامنے آیا ہے کہ ملزمان اور متاثرہ خواتین کے درمیان 4 سے 5 لاکھ امریکی ڈالر مالیت کی کرپٹو کرنسی میں سرمایہ کاری موجود تھی، اور ملزمان پر الزام ہے کہ انہوں نے خواتین کے ڈیجیٹل والٹ سے تقریباً 19 ہزار امریکی ڈالر زبردستی منتقل کروائے۔

دوسری جانب، وینزویلا سے تعلق رکھنے والی متاثرہ خاتون ایسٹرڈ روبنسن کا ضابطۂ فوجداری کی دفعہ 164 کے تحت مجسٹریٹ کے سامنے ریکارڈ کرایا گیا بیان بھی سامنے آگیا ہے۔ اپنے بیان میں انہوں نے دوسری متاثرہ خاتون کے دعووں کی تصدیق کرتے ہوئے اغوا، تشدد، جان سے مارنے کی دھمکیوں اور جنسی زیادتی کے سنگین الزامات کو دہرایا ہے۔

ایف آئی آر (FIR) کے مطابق، نیدرلینڈز سے تعلق رکھنے والی دوسری خاتون اسٹیفنی ایڈریانا نے مؤقف اختیار کیا تھا کہ اکتوبر 2025 میں سنگاپور میں مرکزی ملزم رضا ڈار سے ان کی ملاقات ہوئی تھی، جس کے بعد انہیں پاکستان آنے کی دعوت دی گئی اور ویزوں کا انتظام بھی کیا گیا۔ دونوں خواتین 29 جون کو پاکستان پہنچیں جہاں انہیں مبینہ طور پر اغوا کر لیا گیا، بعد ازاں نیدرلینڈز میں موجود خاتون کے والد کی جانب سے پولیس کو اطلاع دیے جانے پر دونوں خواتین کو ڈیفنس لاہور کے ایک گھر سے بازیاب کرایا گیا۔ پولیس حکام کا کہنا ہے کہ مقدمے کی تفتیش مکمل میرٹ پر جاری ہے اور تمام کارروائی سائنسی شواہد، فرانزک اور ڈی این اے رپورٹس کی بنیاد پر ہی مکمل کی جائے گی۔