غیر ملکی لڑکی سے اجتماعی زیادتی کیس میں اہم پیشرفت

لاہور کے علاقے ڈیفنس سی میں آذربائیجان سے تعلق رکھنے والی غیر ملکی لڑکی کے ساتھ پیش آنے والے مبینہ اجتماعی زیادتی کے کیس میں پولیس نے بڑی کامیابی حاصل کرتے ہوئے ایک مرکزی ملزم محسن کو گرفتار کر لیا ہے۔

ڈی آئی جی انویسٹی گیشن سید ذیشان رضا نے اس معاملے پر میڈیا کو تفصیلی بریفنگ دیتے ہوئے بتایا کہ باکو (آذربائیجان) کی رہائشی 20 سالہ متاثرہ لڑکی ڈیانا کا مکمل میڈیکل معائنہ کروا لیا گیا ہے، جس کی ابتدائی رپورٹس میں زیادتی ثابت ہونا پائی گئی ہے۔

پولیس حکام کے مطابق، ضابطے کی کارروائی کو آگے بڑھاتے ہوئے متاثرہ لڑکی کا دفعہ 164 کے تحت مجاز عدالت کے روبرو پیش ہو کر باضابطہ بیان بھی قلمبند کروا لیا گیا ہے، جس میں اس نے تمام واقعہ تفصیل سے بیان کیا ہے۔

ڈی آئی جی انویسٹی گیشن نے مزید بتایا کہ اس گھناؤنے جرم میں ملوث بقیہ دو دیگر فرار ملزمان کی گرفتاری کے لیے پولیس کی خصوصی ٹیمیں مختلف مقامات پر چھاپے مار رہی ہیں، اور دونوں ملزمان کو بھی جلد قانون کی گرفت میں لایا جائے گا۔