پیپلز پارٹی کے امیدوار جے یو آئی کے مولانا سعید یوسف کے حق میں دستبردار
Web Desk
4 July 2026
پاکستان پیپلز پارٹی شعبہ خواتین کی مرکزی صدر اور آزاد جموں و کشمیر کے سیاسی امور کی انچارج فریال تالپور سے جمعیت علمائے اسلام (ف) آزاد کشمیر کے امیر مولانا سعید یوسف نے زرداری ہاؤس اسلام آباد میں ایک اہم ملاقات کی، جس میں ایل اے 23 کے انتخاب کے حوالے سے اہم سیاسی پیش رفت سامنے آئی ہے۔
ملاقات کے دوران آزاد کشمیر کے وزیر برائے عشر، زکوٰۃ و سماجی بہبود اور حلقہ ایل اے 23 سے پاکستان پیپلز پارٹی کے نامزد امیدوار سردار محمد حسین بھی موجود تھے۔ انہوں نے پارٹی قیادت کے فیصلے کے مطابق ایل اے 23 کے آئندہ انتخاب میں جے یو آئی (ف) کے امیر مولانا سعید یوسف کے حق میں باقاعدہ دستبردار ہونے کا اعلان کیا۔
اس موقع پر مولانا سعید یوسف نے سردار محمد حسین کی جانب سے فراخدلی کا مظاہرہ کرتے ہوئے دستبردار ہونے اور انتخابی مہم میں اپنی مکمل حمایت کے اعلان پر پاکستان پیپلز پارٹی کی اعلیٰ قیادت کا خصوصی شکریہ ادا کیا۔
زرداری ہاؤس میں ہونے والی اس اہم سیاسی ملاقات میں پاکستان پیپلز پارٹی آزاد جموں و کشمیر کے سینئر رہنما چوہدری ریاض بھی موجود تھے۔ اس سیاسی اتحاد کے بعد حلقے میں انتخابی گہما گہمی میں تیزی آنے کا امکان ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026