روس، یوکرین کے انسانی حقوق کے نمائندوں کے درمیان پُراعتماد رابطے قائم ہیں: کریملن

کریملن نے اس بات کا خیرمقدم کیا ہے کہ روس اور یوکرین کے انسانی حقوق کے اعلیٰ نمائندوں کے درمیان انتہائی مثبت اور باہمی اعتماد پر مبنی رابطے قائم ہو چکے ہیں، جسے انسانی حقوق کے حساس شعبے میں تعاون کے لیے ایک اہم پیشرفت قرار دیا جا رہا ہے۔

روسی صدارتی ترجمان دیمتری پیسکوف نے روسی اخبار ’ویدوموستی‘ کو ایک انٹرویو دیتے ہوئے بتایا کہ روس کی انسانی حقوق کی کمشنر یانا لانتراتوا اور یوکرین کے انسانی حقوق کے محتسب (اومبڈزمین) دیمتری لوبینیتس کے مابین ایک اچھا اور مؤثر مکالمہ قائم ہو چکا ہے۔ ان کا کہنا تھا کہ دونوں ممالک کے یہ نمائندے بتدریج ایک دوسرے پر اعتماد بحال کرنے کی طرف گامزن ہیں، جو انسانی حقوق سے متعلق تمام سرگرمیوں، قیدیوں کے امور اور فلاحی اقدامات کے لیے ایک انتہائی مثبت رجحان ہے۔

دیمتری پیسکوف کے مطابق، دونوں ممالک کے انسانی حقوق کے ان عہدیداروں کے درمیان جاری یہ خوشگوار مکالمہ اور بڑھتا ہوا باہمی اعتماد اس مشکل میدان میں کام کرنے والے تمام متعلقہ افراد کے لیے انتہائی اہمیت کا حامل ہے۔