پنجاب اور خیبرپختونخوا اسمبلیوں کے اجلاس، اپوزیشن کا احتجاج

خیبرپختونخوا اسمبلی کا جاری اجلاس 24 اگست تک کے لیے ملتوی کر دیا گیا ہے، جبکہ دوسری جانب پنجاب اسمبلی میں اپوزیشن نے کورم پورا نہ ہونے کی نشاندہی کرتے ہوئے ایوان سے احتجاجاً بائیکاٹ کیا۔

تفصیلات کے مطابق خیبرپختونخوا اسمبلی کی کارروائی کے اختتام پر اسپیکر نے اجلاس 24 اگست تک ملتوی کرنے کا اعلان کیا۔

دریں اثناء، لاہور میں پنجاب اسمبلی کے اجلاس کے دوران سیاسی کشیدگی اس وقت دیکھنے میں آئی جب اپوزیشن رکن کرنل (ر) شعیب امیر نے ایوان میں ارکان کی عدم موجودگی اور کورم کی کمی کی نشاندہی کی-

کورم کی نشاندہی کے فوراً بعد اپوزیشن ارکان نے حکومت کے خلاف نعرے بازی کی اور ایوان سے واک آؤٹ کر گئے۔ اپوزیشن کے بائیکاٹ کے بعد اسپیکر نے گنتی کے احکامات جاری کیے تاکہ آئینی ضروریات کے مطابق ایوان کی کارروائی کو آگے بڑھایا جا سکے۔