خیبرپختونخوا میں تعلیمی اداروں کے لیے موسمِ سرما کی تعطیلات کا اعلان

پشاور: خیبرپختونخوا میں تعلیمی اداروں کے لیے موسمِ سرما کی تعطیلات کا باقاعدہ اعلان کر دیا گیا ہے۔
سیکرٹری تعلیم خیبرپختونخوا کے مطابق صوبے کے سمر زون میں واقع تعلیمی اداروں میں یکم جنوری سے 15 جنوری تک تعطیلات ہوں گی۔

اعلامیے کے مطابق ونٹر زون کے تعلیمی ادارے 22 دسمبر سے 28 فروری تک بند رہیں گے۔
تعطیلات کے اس شیڈول کا اطلاق سرکاری اور نجی تعلیمی اداروں پر ہوگا، جس کا مقصد شدید سرد موسم کے دوران طلبہ اور اساتذہ کی صحت و حفاظت کو یقینی بنانا ہے۔