2025:خیبر پختونخوا میں دہشت گردی کے 1588 واقعات، 502 شہری و اہلکار شہید
Web Desk
18 December 2025
خیبر پختون خوا میں سال 2025ء کے دوران دہشت گردی کے واقعات سے متعلق کاؤنٹر ٹیررازم ڈیپارٹمنٹ (سی ٹی ڈی) کی تفصیلی رپورٹ سامنے آ گئی ہے۔
سی ٹی ڈی رپورٹ کے مطابق صوبے بھر میں رواں سال دہشت گردی کے 1588 واقعات درج کیے گئے۔ سب سے زیادہ 394 واقعات بنوں میں رپورٹ ہوئے، جبکہ شمالی وزیرستان میں 181 اور جنوبی وزیرستان میں 102 واقعات سامنے آئے۔
رپورٹ میں بتایا گیا ہے کہ خیبر پختون خوا میں رواں سال سیکیورٹی اہلکاروں سمیت 502 شہری شہید ہوئے۔ دسمبر کے پہلے ہفتے تک 137 پولیس اہلکار شہید جبکہ 236 اہلکار زخمی ہوئے۔
سی ٹی ڈی کے مطابق رواں سال مختلف کارروائیوں کے دوران 348 دہشت گرد مارے گئے، جبکہ صوبے میں 8 خودکش حملے رپورٹ ہوئے۔ صوبے کے 14 اضلاع میں فائرنگ کے 557 واقعات پیش آئے۔
رپورٹ میں مزید بتایا گیا ہے کہ دہشت گردوں کی جانب سے 68 دستی بم حملے کیے گئے، 84 افراد کو اغواء کیا گیا، جبکہ بھتہ خوری کے 138 مقدمات درج ہوئے۔ اسی دوران 4 ملزمان کو فورتھ شیڈول میں شامل کیا گیا۔
سی ٹی ڈی کے مطابق رواں سال دہشت گردی کی فنڈنگ کے 30 کیسز درج کیے گئے، دہشت گردوں کی جانب سے 54 ڈرون حملے کیے گئے، جبکہ دہشت گردی سے متعلق 116 ٹارگٹ کلنگ کے واقعات رپورٹ ہوئے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026