5 اگست کا جلسہ فیصلہ کن، آئندہ لائحہ عمل دیں گے: سہیل آفریدی

وزیراعلیٰ خیبرپختونخوا محمد سہیل آفریدی نے پارلیمانی اجلاس سے خطاب کرتے ہوئے اعلان کیا ہے کہ 5 اگست کا جلسہ سیمی فائنل اور فیصلہ کن ہوگا، جس میں آئندہ کے لائحہ عمل کا حتمی اعلان کیا جائے گا۔ عوام کی سہولت کی خاطر جلسے کا مقام تبدیل کر کے پشاور موٹروے کے قریب کھلے میدان میں منتقل کر دیا گیا ہے۔ انہوں نے کہا کہ 15 اکتوبر 2025 سے تمام آئینی و قانونی راستے اختیار کیے گئے لیکن مخالفین نے افہام و تفہیم کا کوئی مثبت جواب نہیں دیا۔ وزیراعلیٰ نے بانی پی ٹی آئی سے ملاقات کو اپنا آئینی حق قرار دیتے ہوئے 4 کروڑ 50 لاکھ عوام کے مینڈیٹ کا احترام کرنے اور 9 مئی کے واقعات کی غیر جانبدار تحقیقات کا مطالبہ کیا ہے۔