میٹھا پتن ڈھن تالاب میں نہاتے ہوئے دو نوجوان ڈوب کر جاں بحق

نواحی علاقے میٹھا پتن میں واقع ‘ڈھن تالاب’ میں نہاتے ہوئے دو کم عمر نوجوان گہرے پانی میں ڈوب کر جاں بحق ہو گئے ہیں۔

ریسکیو ذرائع کے مطابق واقعے کی اطلاع ملتے ہی امدادی ٹیمیں فوری طور پر موقع پر پہنچیں اور تالاب میں سرچ آپریشن شروع کیا۔ ریسکیو اہلکاروں نے دونوں نوجوانوں کو پانی سے نکال کر فوری طور پر مریم نواز ہسپتال کھیوڑہ منتقل کیا، جہاں ڈاکٹروں نے معائنے کے بعد دونوں کی موت کی تصدیق کر دی۔

ہسپتال انتظامیہ اور ریسکیو حکام کے مطابق جاں بحق ہونے والے دونوں نوجوانوں کی شناخت 17 سالہ انیل اور 16 سالہ سوریا کے ناموں سے ہوئی ہے۔ بتایا گیا ہے کہ دونوں نوجوانوں کا تعلق کھیوڑہ کی مقامی مسیح برادری سے ہے، اور اس ناگہانی واقعے کے بعد علاقے میں فضا سوگوار ہو گئی ہے۔