حقانی صاحب ہمارے دشمن کو بیشک بسائیں، دشمن کا کردار ادا نہ کریں: خواجہ آصف

وزیر دفاع خواجہ محمد آصف نے افغان طالبان رجیم اور بالخصوص حقانی خاندان کو مخاطب کرتے ہوئے کہا ہے کہ پاکستان نے دہائیوں تک لاکھوں افغان شہریوں اور طالبان قیادت کی مہمان نوازی کی، مگر اس کا صلہ پاکستان کے قاتلوں کو پناہ دے کر دیا جا رہا ہے۔ انہوں نے کابل میں ہونے والی ملاقات کا حوالہ دیتے ہوئے کہا کہ ہم نے درخواست کی تھی کہ دشمن کے حلیف نہ بنیں، یہاں تک کہ مالی تعاون کی پیشکش بھی کی گئی مگر کسی ضمانت کے بغیر بات آگے نہ بڑھ سکی۔ خواجہ آصف نے زور دیا کہ افغان سرزمین کو پاکستان کے خلاف استعمال ہونے سے روکا جائے۔