LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

بھارت میں لوگ انہیں کرائے پر گھر دینے کو بھی تیار نہیں، خواجہ آصف کی جاوید اختر پر طنزیہ پوسٹ

Web Desk

20 December 2025

وزیر دفاع خواجہ آصف نے اپنے سوشل میڈیا اکاؤنٹ پر بھارتی مصنف اور شاعر جاوید اختر سے متعلق ایک طنزیہ پوسٹ شیئر کی ہے، جو سوشل میڈیا پر توجہ کا مرکز بن گئی ہے۔

خواجہ آصف کی پوسٹ میں شامل ویڈیو کلپ بھارت میں ہونے والے ایک مباحثے کا ہے، جس میں ایک مسلمان عالمِ دین کو جاوید اختر کے مؤقف کا مدلل جواب دیتے ہوئے دیکھا جا سکتا ہے۔ مذکورہ ویڈیو سوشل میڈیا پر تیزی سے وائرل ہو رہی ہے۔

پوسٹ میں خواجہ آصف نے طنز کرتے ہوئے کہا کہ “ہندوتوا کے زیرِ اقتدار بھارت میں اپنی موجودگی کو جائز ثابت کرنے کی کوشش کرنے والے معذرت خواہ لبرلز، اس حال میں ہیں کہ لوگ انہیں کرائے پر رہائش دینے کے لیے بھی تیار نہیں”۔

خیال رہے کہ جاوید اختر اکثر و بیشتر پاکستان مخالف بیانات دیتے رہے ہیں، جس پر ماضی میں بھی شدید ردعمل سامنے آتا رہا ہے۔

رواں برس مئی میں ایک انٹرویو کے دوران جاوید اختر نے متنازع بیان دیتے ہوئے کہا تھا کہ پاکستانی انہیں جہنم میں جانے کی بات کرتے ہیں جبکہ بھارت میں بعض لوگ انہیں جہادی کہتے ہیں اور پاکستان جانے کا مشورہ دیتے ہیں۔ ان کا کہنا تھا کہ “اگر مجھے پاکستان اور جہنم میں سے کسی ایک کا انتخاب کرنا ہو تو میں جہنم کو ترجیح دوں گا”۔

بھارتی مصنف کا یہ بیان سامنے آتے ہی سوشل میڈیا پر وائرل ہو گیا تھا، جس کے بعد پاکستانی عوام اور شوبز سے تعلق رکھنے والی متعدد معروف شخصیات کی جانب سے سخت ردعمل اور شدید غم و غصے کا اظہار کیا گیا تھا۔