LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

آزاد کشمیر میں حالات کی ذمہ داری پیپلزپارٹی پر عائد ہوتی ہے: خواجہ آصف

Web Desk

25 June 2026

وفاقى وزیر دفاع خواجہ محمد آصف نے آزاد جموں و کشمیر کی موجودہ صورتحال پر پاکستان پیپلز پارٹی (پی پی پی) کو کڑی تنقید کا نشانہ بناتے ہوئے کہا ہے کہ وہ پی پی پی کی قیادت کا احترام کرتے ہیں، تاہم آزاد کشمیر میں حکومت پیپلز پارٹی کی ہے اور موجودہ ناگفتہ بہ حالات کی سب سے زیادہ ذمہ داری بھی اسی جماعت پر عائد ہوتی ہے۔اپنے ایک پالیسی بیان میں خواجہ آصف نے کہا کہ آزاد کشمیر میں پیپلز پارٹی برسرِاقتدار ہے، اس لیے یہ سنجیدہ سوال اٹھتا ہے کہ وہاں ایسے حالات کیوں پیدا ہوئے اور حکومت اپنی آئینی و انتظامی ذمہ داریاں کس حد تک پوری کر رہی ہے۔ انہوں نے واضح کیا کہ صرف حکومت کرنا کافی نہیں ہوتا بلکہ عوامی مسائل کا حل اور حالات کو قابو میں رکھنا بھی حکمرانوں کی بنیادی ذمہ داری ہے۔

وزیر دفاع کا کہنا تھا کہ ان کے خیال میں پیپلز پارٹی آزاد کشمیر میں بری طرح ناکام ہو چکی ہے۔ انہوں نے دعویٰ کیا کہ جمعیت علمائے اسلام (ف) کے سربراہ مولانا فضل الرحمان کو آزاد کشمیر بلانا دراصل پیپلز پارٹی کی جانب سے اپنی ناکامی کا کھلا اعتراف ہے۔ خواجہ آصف نے یہ انکشاف بھی کیا کہ پیپلز پارٹی خود آزاد کشمیر کے انتخابات ملتوی کرانے کی خواہشمند تھی۔خواجہ آصف نے اپنے سابقہ بیانات کا دفاع کرتے ہوئے کہا کہ وہ اپنے مؤقف پر سختی سے قائم ہیں اور اگرچہ وہ لاکھ مرتبہ معذرت کرنے کے لیے تیار ہیں، لیکن وہ سمجھتے ہیں کہ انہوں نے کوئی غلط بات نہیں کی، اس لیے معذرت کا مطالبہ بے جا ہے کیونکہ ان کا مؤقف خالصتاً حقائق پر مبنی ہے۔ انہوں نے کہا کہ کسی فرد کی ذات نہیں بلکہ ریاست اور اس کی جدوجہد میں کردار ادا کرنے والوں کی اہمیت ہوتی ہے۔مقبوضہ کشمیر کی صورتحال پر بات کرتے ہوئے وزیر دفاع کا کہنا تھا کہ بھارتی مظالم سے تنگ آ کر مہاجرین نے بے شمار قربانیاں دی ہیں اور مقبوضہ کشمیر کے عوام آج بھی بدترین حالات کے باوجود پاکستان سے بے پناہ محبت کرتے ہیں، جس کی قدر کی جانی چاہیے۔