خانپور سے نوجوان کی ویرانے سے لاش برآمد

تھانہ خانپور کی حدود میں واقع محلہ اسلام نگر کے قریب ایک ویرانے سے پراسرار حالت میں لاش برآمد ہوئی ہے۔ واقعہ کی اطلاع ملتے ہی پولیس کی بھاری نفری اور ریسکیو 1122 کی امدادی ٹیمیں موقع پر پہنچ گئیں، جہاں متوفی کی شناخت درہ کے رہائشی ناصر رحمان کے نام سے ہوئی۔ پولیس حکام کے مطابق ریسکیو ٹیم نے لاش کو پوسٹ مارٹم کے لیے ٹائپ ڈی ہسپتال خانپور منتقل کر دیا ہے۔ پولیس نے واقعے کی مختلف پہلوؤں سے تحقیقات کا آغاز کر دیا ہے اور حکام کا کہنا ہے کہ پوسٹ مارٹم رپورٹ اور ابتدائی تفتیش کے بعد ہی اصل حقائق سامنے آ سکیں گے۔