آیت اللہ خامنہ ای شہید کی اہلیہ نے بھی جام شہادت نوش کرلیا

آیت اللہ علی خامنہ ای شہید کی بیوہ منصوره خجستہ باقرزاده نے اسپتال میں  دوران علاج جام شہادت نوش کرلیا۔ایرانی میڈیا کے مطابق 79سالہ منصوره خجسته باقرزاده کو اسی حملےکے بعد شدید زخمی حالت میں اسپتال منتقل کیا گیا تھا جس میں ان کے شوہر آیت اللہ خامنہ ای شہید ہوگئے تھے۔

انہیں اسپتال میں طبی امداد دی جا رہی تھی لیکن وہ جانبر نہ ہوسکیں اور خالق حقیقی سے جا ملیں۔ اس سے قبل بتایا گیا تھا کہ آیت اللہ خامنہ ای کی بیوہ کوما میں ہیں۔ایرانی حکام کا کہنا ہے کہ اسرائیل حملے میں خامنہ ای کے خاندان کے دیگر افراد بھی شہید ہوگئے جن میں ایک بیٹی، داماد اور ایک پوتا بھی شامل ہے۔

منصوره خجست باقرزاده 1947 میں ایران کے مذہبی شہر مشہد میں ایک مذہبی اور بااثر خاندان میں پیدا ہوئیں۔ان کے والد ایک معروف تاجر تھے جبکہ ان کے بھائی حسن باقرزاده ایران کے سرکاری نشریاتی ادارے کے نائب سربراہ بھی رہ چکے تھے۔منصورہ خجستہ باقرزادہ کی 1965 میں آیت اللہ علی خامنہ ای سے شادی ہوئی تھی اور ان کے چار بیٹے اور دو بیٹیاں ہیں۔