کاسا 1000 توانائی منصوبے میں پاکستان کی اہم کامیابی، 27 ملین ڈالر کی بچت کرلی

کاسا-1000 منصوبے میں پاکستان کو اہم اقتصادی کامیابی حاصل ہوئی ہے، جس سے 27 ملین ڈالر سے زائد کی نمایاں بچت ہوئی ہے۔

وزارت توانائی (پاور ڈویژن) کے بیان کے مطابق سویڈن میں ہونے والے اعلیٰ سطح مذاکرات میں پاکستان نے کاسا-1000 منصوبے کے کنٹریکٹر کے تخمینہ شدہ اخراجات میں کمی کر کے اپنے مفادات کا مؤثر تحفظ کیا۔

بیان میں کہا گیا ہے کہ پہلے پاکستان کے لیے کیئر اینڈ کسٹڈی کی لاگت 32.9 ملین ڈالر تھی، جو مذاکرات کے بعد 9 ملین ڈالر ہو گئی ہے اور اب یہ پاکستان اور تاجکستان کے درمیان تقسیم کی جائے گی، جس سے پاکستان کو نمایاں مالی فائدہ حاصل ہوگا۔