LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کراچی میں ایچ آئی وی کا پھیلاؤ ’ہمارے بچے باہرکھیلنے نکلتے ہیں تو پڑوسی اپنے بچوں کودور کردیتے ہیں‘

Web Desk

2 July 2026

کراچی کے علاقے سائٹ ایریا میں واقع ولیکا اسپتال کی مبینہ غفلت کے باعث ایچ آئی وی (HIV) کا شکار ہونے والے معصوم بچوں کے والدین اور متاثرین نے سندھ ہائیکورٹ کے باہر شدید احتجاج کرتے ہوئے انصاف اور بہتر علاج معالجے کی دہائی دی ہے۔

سندھ ہائیکورٹ میں ایچ آئی وی پھیلنے سے متعلق کیس کی سماعت کے بعد متاثرین نے عدالت کے باہر پلے کارڈز اٹھا کر مظاہرہ کیا۔ احتجاج میں متاثرین کے وکیل طارق منصور ایڈووکیٹ، والدین اور متاثرہ بچے شامل تھے۔ اس موقع پر دلسوز مناظر دیکھنے کو ملے، والدین کا کہنا تھا کہ “ریاست کی ذمہ داری صحت، تعلیم اور روزگار فراہم کرنا ہے مگر یہاں ایسا کچھ نہیں۔ جب ہمارے معصوم بچے گلی میں کھیلنے نکلتے ہیں تو پڑوسی اپنے بچوں کو یہ کہہ کر دور کر دیتے ہیں کہ انہیں ایچ آئی وی ہے”۔

والدین نے بتایا کہ ولیکا اسپتال میں بچوں کے علاج و معالجے کے بعد ان کی طبیعت مزید خراب ہونے لگی تھی، جس پر جب دوسرے اسپتال سے ٹیسٹ کروائے گئے تو بچوں میں ایچ آئی وی کی تشخیص ہوئی۔ مظاہرین نے مطالبہ کیا ہے کہ اس مجرمانہ غفلت کے ذمہ داران کے خلاف سخت ترین قانونی کارروائی کی جائے اور متاثرہ بچوں کے سرکاری سطح پر بہتر علاج کو یقینی بنایا جائے۔

اس موقع پر گفتگو کرتے ہوئے طارق منصور ایڈووکیٹ نے کہا کہ اسپتال میں مبینہ طور پر استعمال شدہ سرنج کو دوبارہ استعمال میں لایا گیا جو کہ ایک انتہائی گھناؤنا جرم ہے۔ انہوں نے اس صورتحال سے عدالت کو تفصیلی طور پر آگاہ کر دیا ہے اور تقریباً ہر فورم پر آواز بلند کی ہے۔ ان کا کہنا تھا کہ معزز عدالت نے سیکریٹری صحت اور دیگر حکام سے جواب طلب کر لیا ہے، اور امید ہے کہ معصوم بچوں کو انصاف اور بہتر علاج مل سکے گا۔

واضح رہے کہ گزشتہ برس نومبر میں ولیکا اسپتال میں انتظامیہ کی مبینہ غفلت کی وجہ سے 15 بچوں میں ایچ آئی وی کی تشخیص ہوئی تھی، جبکہ چند روز قبل ہی ایک اور بچے میں بھی اس وائرس کی تصدیق ہوئی ہے جس کی رپورٹ دو روز قبل سامنے آئی۔