کراچی میں امریکی قونصل خانے کے باہر میدانِ جنگ: فائرنگ اور ہنگامہ آرائی میں 10 افراد جاں بحق، پولیس افسران معطل

صوبائی دارالحکومت کراچی میں امریکی قونصل خانے کے باہر ہونے والا احتجاج پرتشدد رخ اختیار کر گیا، جس کے نتیجے میں فائرنگ اور جلاؤ گھیراؤ کے واقعات میں 10 افراد جاں بحق اور 31 زخمی ہو گئے ہیں۔ مشتعل مظاہرین نے ریڈ زون کی سیکورٹی توڑ کر قونصل خانے میں گھسنے کی کوشش کی اور وہاں موجود ٹریفک پولیس چوکی سمیت ایک بکتر بند گاڑی کو نذرِ آتش کر دیا۔ آئی جی سندھ نے سیکورٹی کی ناقص صورتحال پر سخت ایکشن لیتے ہوئے ایس ایس پی کیماڑی سمیت پانچ افسران کو عہدوں سے ہٹا دیا ہے۔