جامعہ کراچی اور سر سید یونیورسٹی آج بند، تمام امتحانات ملتوی

شہر کی موجودہ صورتحال اور احتجاجی مظاہروں کے پیشِ نظر جامعہ کراچی اور سر سید یونیورسٹی آف انجینئرنگ اینڈ ٹیکنالوجی نے آج طلبہ کے لیے تعطیل کا اعلان کیا ہے۔ جامعہ کراچی کے رجسٹرار کے مطابق 2 مارچ کو ہونے والے تمام امتحانات ملتوی کر دیے گئے ہیں جن کی نئی تاریخوں کا اعلان بعد میں کیا جائے گا۔ دوسری جانب سر سید یونیورسٹی میں کلاسز تو ملتوی ہیں، تاہم فیکلٹی اور انتظامی عملے کو حاضر رہنے کی ہدایت کی گئی ہے تاکہ دفتری امور اور رجسٹریشن کا عمل متاثر نہ ہو۔