گوگل میپ کی مبینہ غلط رہنمائی، راستہ بھٹکنے والے کراچی کے خاندان پر مسلح افراد کی فائرنگ، ایک شخص جاں بحق، خاتون زخمی
Web Desk
28 June 2026
بلوچستان کے ضلع مستونگ کے علاقے دشت میں ایک انتہائی دلخراش اور افسوسناک واقعہ پیش آیا ہے جہاں راستہ بھٹک کر غیر محفوظ علاقے میں پہنچنے والے کراچی کے ایک خاندان پر نامعلوم مسلح افراد نے اندھا دھند فائرنگ کر دی، جس کے نتیجے میں خاندان کا سربراہ جاں بحق اور ایک خاتون شدید زخمی ہو گئیں۔
ذرائع اور پولیس حکام کے مطابق، کراچی کے علاقے ناظم آباد کا رہائشی خاندان کار میں سوار ہو کر کراچی سے کوئٹہ جا رہا تھا۔ سفر کے دوران یہ خاندان مبینہ طور پر گوگل میپ (Google Maps) کی غلط رہنمائی کے باعث شاہراہ سے بھٹک کر دشت کے انتہائی حساس اور دور افتادہ علاقے ‘کھنڈ’ پہنچ گیا۔ کھنڈ کے مقام پر پہلے سے گھات لگائے نامعلوم مسلح ملزمان نے گاڑی کو دیکھتے ہی اس پر اندھا دھند گولیاں برسا دیں۔ فائرنگ کے نتیجے میں خاندان کا سربراہ علی جمیل موقع پر ہی زخموں کی تاب نہ لاتے ہوئے جاں بحق ہو گیا، جبکہ گاڑی میں سوار ایک خاتون شدید زخمی ہوئیں۔خوش قسمتی سے گاڑی میں موجود دو کمسن بچے اس ہولناک فائرنگ میں معجزانہ طور پر محفوظ رہے۔ مقتول علی جمیل کراچی کی صدر موبائل مارکیٹ سے وابستہ تھے اور موبائل فونز کا کاروبار کرتے تھے۔ پولیس کا کہنا ہے کہ یہ افسوسناک واقعہ گزشتہ رات پیش آیا۔ مقتول کی لاش اور زخمی خاتون کو ابتدائی طبی امداد کے بعد کراچی منتقل کر دیا گیا ہے، جہاں صدر موبائل مارکیٹ کی تاجر برادری اور علاقے میں شدید غم و غصے کی لہر دوڑ گئی ہے۔ پولیس اور سیکیورٹی فورسز نے واقعے کی تحقیقات اور ملزمان کی تلاش کا آغاز کر دیا ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026