LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

کراچی؛ گھر سے 30 سالہ ماں اور 8 سالہ کمسن بیٹی کی لاشیں برآمد

Web Desk

26 June 2026

کراچی: صوبائی دارالحکومت کے علاقے ملیر سٹی کے وریو جوکھیو گوٹھ میں ندی کنارے واقع ایک گھر سے 30 سالہ خاتون اور اس کی 8 سالہ بیٹی کی لاشیں ملنے سے علاقے میں سنسنی پھیل گئی ہے۔ پولیس کے مطابق متوفیہ خاتون کی شناخت صبا اور اس کی کمسن بیٹی کی شناخت نبیہہ کے نام سے ہوئی ہے۔ ابتدائی معلوماتی منظرنامے کے مطابق خاتون کی لاش رسی سے لٹکی ہوئی ملی جبکہ بچی کی لاش کمرے سے برآمد ہوئی۔ ایس ایس پی ملیر عبدالخالق پیرزادہ اور ایس ڈی پی او عابد فضل مہر کے مطابق، ابتدائی طور پر یہ شبہ ظاہر کیا جا رہا ہے کہ خاتون نے پھندا لگا کر خودکشی کی جبکہ بچی کو مبینہ طور پر زہر دیا گیا یا گلا گھونٹ کر قتل کیا گیا، تاہم موت کی اصل وجہ کا تعین جناح ہسپتال میں جاری پوسٹ مارٹم کی حتمی رپورٹ کے بعد ہی ہو سکے گا۔

واقعے کے بعد پولیس نے کارروائی کرتے ہوئے متوفیہ کے شوہر محمد حنیف کو حراست میں لے لیا ہے۔ حنیف، جو پیشے کے لحاظ سے ڈرائیور ہے، کا دعویٰ ہے کہ وہ جمعرات کی شام سے کرائے کا مکان دیکھنے کے لیے اپنے بیٹے کے ہمراہ اسپتال چورنگی اپنی بہن کے گھر گیا ہوا تھا اور صبح پڑوسی کی اطلاع پر واپس پہنچا۔ پولیس نے تصدیق کے لیے حنیف کی بہن کو بھی بیان ریکارڈ کرنے کے لیے تھانے طلب کر لیا ہے۔ دوسری جانب، متوفیہ کے والد محمد وارث نے داماد پر بیٹی اور نواسی کو قتل کرنے کا سنگین الزام عائد کرتے ہوئے انصاف کا مطالبہ کیا ہے، جبکہ ان کا یہ بھی کہنا تھا کہ ان کی بیٹی گزشتہ کچھ عرصے سے ذہنی مسائل کا شکار تھی اور اس پر مبینہ طور پر ‘تعویز گنڈے’ بھی کیے گئے تھے۔ کرائم سین یونٹ نے موقع سے تمام شواہد اکٹھے کر لیے ہیں اور پولیس واقعے کے تمام محرکات اور مختلف پہلوؤں پر گہرائی سے تفتیش کر رہی ہے۔