کراچی میں موسمِ سرما کی پہلی بارش، ملک بھر میں بارش اور برفباری سے سردی کی شدت بڑھ گئی
Web Desk
30 December 2025
کراچی میں موسمِ سرما کی پہلی بارش کا آغاز ہو گیا ہے۔ اولڈ سٹی ایریا، صدر، جیل روڈ، جناح اسپتال، لائنز ایریا ، طارق روڈ، پی ای سی ایچ ایس، کالا پل، ملیر، ایئرپورٹ، ناظم آباد، نارتھ ناظم آباد اور شہر کے مختلف علاقوں میں تیز بارش سے موسم سرد ہوگیا۔
محکمہ موسمیات کے مطابق کراچی میں آج رات اور کل بارش متوقع ہے، جبکہ وقفے وقفے سے بوندا باندی اور ہلکی بارش کا سلسلہ جاری رہ سکتا ہے۔ بارش کے باعث درجہ حرارت میں مزید کمی کا امکان ظاہر کیا گیا ہے۔
دوسری جانب ملک کے مختلف حصوں میں بارش اور برفباری کا سلسلہ جاری ہے، جس کے باعث بالائی علاقوں اور سیاحتی مقامات پر سردی کی شدت میں نمایاں اضافہ ہو گیا ہے۔
آزاد کشمیر کی وادی نیلم میں تیز اور ہلکی برفباری وقفے وقفے سے جاری ہے۔ جاگراں، اپر نیلم، شاردہ، اڑنگ کیل، گریس اور تاوبٹ سمیت بالائی علاقوں میں برفباری سے شدید سردی پڑ رہی ہے، جبکہ مرکزی شاہراہ نیلم اور رابطہ سڑکوں پر پھسلن میں اضافہ ہو گیا ہے۔
گلگت بلتستان میں چلاس، بابو سر ٹاپ، نانگا پربت اور بٹوگاہ ٹاپ پر بھی برفباری کا سلسلہ جاری ہے۔ جنوبی اور شمالی وزیرستان کے بالائی علاقوں میں بارش اور برفباری سے موسم مزید سرد ہو گیا ہے۔
بلوچستان کے مختلف علاقوں چمن، حب، وندر، پشین، زیارت اور مسلم باغ میں وقفے وقفے سے بارش جاری ہے، جبکہ کوئٹہ، گوادر اور جیونی میں بارش کے باعث ندی نالوں میں طغیانی اور نشیبی علاقے زیرِ آب آ گئے ہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026