انمول عرف پنکی نے منشیات کے مقدمے سے بریت کی درخواست دائر کردی

کراچی جنوبی کی سیشن عدالت میں ملزمہ انمول عرف پنکی کے خلاف زیرِ سماعت منشیات کے مقدمے میں ملزمہ کی جانب سے بریت کی درخواست دائر کر دی گئی ہے۔ عدالت نے بریت کی اس درخواست پر ڈپٹی پبلک پراسیکیوٹر کو نوٹس جاری کرتے ہوئے سرکاری وکیل سے آئندہ سماعت پر تفصیلی جواب طلب کر لیا ہے۔ سماعت کے دوران درخواست گزار کے وکیل نے مؤقف اختیار کیا کہ ملزمہ کے خلاف تھانہ گزری میں منشیات کا جھوٹا مقدمہ درج کیا گیا ہے، جبکہ اس کیس میں نامزد شریک ملزم علی خان کو عدالت پہلے ہی ناکافی شواہد کی بنیاد پر بری کر چکی ہے۔ عدالت نے فریقین کو سنتے ہوئے کیس کی مزید کارروائی آئندہ تاریخ تک ملتوی کر دی ہے۔