کراچی کارگو طیارہ حادثہ، تحقیقاتی ٹیم اسلام آباد واپس روانہ

شہرِ قائد میں کارگو طیارہ حادثے کی تحقیقات کے لیے آنے والی اعلیٰ سطح کی ٹیم اپنی ابتدائی کارروائی مکمل کرنے کے بعد اسلام آباد واپس روانہ ہو گئی ہے۔ ذرائع کے مطابق، بیورو آف سیفٹی انویسٹی گیشن کے سربراہ ایئر کموڈور احسن نعمان کی قیادت میں یہ 11 رکنی تحقیقاتی ٹیم دو روز قبل کراچی پہنچی تھی، جس نے طیارے کے مینٹیننس ریکارڈ، ملکیت اور دیگر متعلقہ دستاویزات کا تفصیلی جائزہ لیا اور روانگی سے قبل سمندر سے برآمد ہونے والے ملبے کا معائنہ بھی کیا۔ تحقیقاتی ٹیم کا کہنا ہے کہ اب تک سمندر سے ملنے والا ملبہ حادثے کی حتمی وجوہات جاننے کے لیے ناکافی ہے۔ حکام کے مطابق طیارے کے انجن اور بلیک باکس سمیت دیگر اہم اجزا ملنے کے بعد تحقیقاتی ٹیم دوبارہ کراچی کا دورہ کرے گی تاکہ اس معاملے کو منطقی انجام تک پہنچایا جا سکے